‘MaaN dee Matt – Mother’s Advice’ by Masood Munawer

Toon, lokaaN vich rehna putra
TooN, lokaaN nooN sehna putra

LokaN dee tooN boli bolaiN
jinna aakhhen, ona tolaiN

Hassa mangan, hassa dewaiN
Rattee mangan, massa dewaiN

LokaN nooN sach kaurra lagda
Bohta jhhooT ve thhorra lagda

Sachi gal kadi na dasseiN
Apna bhed luka ke rakhheiN

Ik jaali behroop bana lae
Rang branga roop racha lae

Loki khauf de ghar vich rehnday
Har ohlay dee chhawaiN behnday

Lok sangat ik kacha bhanda
Sukka, sarreya, teela tanda

LokaaN noon khush rakhna aukha
Zehr da moongar chakhna saukha

Peenda jaawaiN, hasda jaawaiN
Khhurda jawaiN, ghasda jawaiN

Eh jindrri ik khhoTa paisa
Chal janda sab aissa waissa

Aithay saadh sangat nahiN labhni
Aithay jindrri aiwaiN langhani
..

ماں دی مت

تُوں ، لوکاں وچ ریہنا پُترا
تُوں ، لوکاں نوں سیہنا پُترا
۔۔۔۔
لوکاں دی تُوں بولی بولیں
جنّا آکھن ، اونا تولیں
۔۔۔۔
ہاسا منگن ، ہاسا دیویں
رتّی منگن ، ماسہ دیویں
۔۔۔
لوکاں نوں سچ کوڑا لگدا
بوہتا جھوٹ وی تھوڑا لگدا
۔۔۔۔
سچّی گل ، کدی نہ دسّیں
اپنا بھیت لُکا کے رکھیں
۔۔۔۔۔
اِک جعلی بہروپ بنا لے
رنگ برنگا روپ رچا لے
۔۔۔
لوکی خوف دے گھر وچ ریہندے
ہر اوہلے دی چھانویں بیہندے
۔۔۔۔
لوک سنگت اک کچّا بھانڈا
سُکّا ، سڑیا ، تیلا ٹانڈا
۔۔۔۔
لوکاں نوں خوش رکھنا اوکھا
زہر دا مونگر چکھنا سوکھا
۔۔۔۔۔
پیندا جانویں ، ہسدا جانویں
کُھردا جانویں ، گھسدا جانویں
۔۔۔
ایہہ جندڑی اک کھوٹا پیسہ
چل جاندا سب ایسا ویسا
۔۔۔۔۔۔۔
ایتھے سادھ سنگت نہیں لبھنی
ایتھے جندڑی ایویں لنگھنی
۔۔۔۔