Vancouver diye seetlay hwa, toon Lhore val ve ja
apni nighhi nami, khushk hwa ch mila
Sukki sukki Thandh rahi Lhoriyan noon tarrpa
badl le ja urra ke, val Lhore de desha
Na toon lorrein passport, na toon lorrein visa
na lagnay dollar tere, na custom, security te sama
Tainun koi na vekh sakda, kern tainun mehsoos sada
toon taan vagdi vagdi, jhaT paar ker lawein haddan
Tainun sajjay khhabbay’ aggay pichhay, rok na koi sakda
toon shurk ker ke langein kolon, bin dassay thaun patta
Gurumukhi te Shahmukhi nain, sanjhan layan pa
toon ve rishta jorr le, sang Lhore de hwa
Saday piyaray naal dostaan, toon ve dosti nibha
hathein chhawaan kern tainun, saijal palkan te biTha
Vancouver deye seetlay hwa, toon Lhore val ve ja
apni nighhi nami, khushk hwa ch mila
..
Read the original in Gurumukhi
Hwawan De Sanjh
..
ہواواں دی سانجھ
ہریندر کور ڈھاھاں
وینکوور دییے سِیتلے ہوا، توں لہور ول وی جا
اپنی نگھی نمی، خشک ہوا چ ملا
سُکّی سُکّی ٹھنڈ رہی لہوریاں نوں تڑپا
بدل لے جا اُڑا کے، ول ہور دی دِشا
ناں توں لوڑیں پاسپورٹ، ناں توں لوڑیں وِیزا
نہ لگنے ڈالر تیرے، نہ کسٹم، سیکیوریٹی تے سما
تینوں کویئ نہ ویکھ سکدا، کرن تینوں محسوس صدا
توں تاں وگدی وگدی، جھٹ پار کر لویں حدّاں
تینوں سجّے کھبّے، اگّے پِچھے، روک نہ کویئ سکدا
توں شُرک کر کے لنگھیں کولوں، بِن دسّے تھَوں پتہ
گورمُکھی تے شاہ مُکھی نیں، سانجھاں لیاں پا
توں وی رشتہ جوڑ لے، سنگ لہور دی ہوا
ساڈے پیارے نال دوستاں، توں وی دوستی نِبھا
ہتھیں چھانواں کرن تینوں، سیجل پلکاں تے بٹھا
وینکوور دییے سِیتلے ہوا، توں لہور ول وی جا
اپنی نگھی نمی، خشک ہوا چ ملا
..
مینوں اپنی ماں بولی پنجابی نال بے حد پیار ہے۔ وینکوور دے خالصہ سکول چ پنجابی پڑھاون دا سبھاگ وی پراپت ہویا۔ ہُن وی ہر اِتوار گوردوارے وچ بچیاں نوں پنجابی پڑھا کے خوشی محسوس کردی ہاں۔ پنجابی ساہت کویتاواں، کہانیاں تے ناول بڑے شوق نال پڑھدی رہندی ہاں۔ کدی کدی دھارمک کویتا لِکھ کے گوردواریاں چ پڑھن دا موقعہ وی ملدا رہندا ہے۔ میں اک پرمانت یوگا ادھیاپک (سرٹیفایئڈ یوگا ٹیچر) وی ہاں۔ ایہہ سِکھیا میں لنگارا کالج توں حاصل کیتی ہے۔
ڈھاھاں إنٹرنیشنل پنجابی لِٹریچر پرایئز نال میریاں بھاوناواں اتے سیواواں جُڑیاں ہویئاں نیں۔ نومبر ۲۰۱۳ وچ اسیں ڈھاھاں پرایئز دا اعلان کرن لئی لہور گئے سی۔ اوتھوں ایس قسم دی کویتا لکھن لیئ مُڈھلی پریرنا مینوں لہوریاں ولوں ساڈے لئی پیار، ستکار تے مان وچوں ملی۔ اوندے سیال پتہ لگیا کہ لہور دے لوک ٹھنڈیاں تے خشک ہواواں توں پِیڑت ہن۔ اک دن سیر کرن ویلے گرمی نال میریاں تپ رہیاں گلّاں نوں جدوں وینکوور دی سمندری ہوا نے چھویا تے اک انوکھا جیہا سکون ملیا۔ اوسے ویلے میرا دل وینکوور دی سیتل ہوا نوں لہور دی خشک ہوا نال سانجھ پیدا کرن لئی پکار اٹھیا۔
..
Contact Uddari
uddariweblog@gmail.com
Facebook
facebook.com/UddariWeblog
Twitter
twitter.com/UddariWeblog
..
Uddari Weblog 